September 10 2018

Losciuto yasezeye gutoza Rayon Sports asabwa miliyoni 5 Rwf

 

Jean - François Losciuto wari umutoza wa Rayon Sports yamaze kwandikira iyi kipe ibaruwa isezera ku mirimo yari amazeho amezi abiri nyuma yo gusinya imyaka ine muri ASFA-Yennenga yo muri Burkina Faso.

Uyu mutoza yavuze ko yiteguye gushyira mu bikorwa ibisabwa n’ingingo ya 6 y’amategeko yari mu masezerano yagiranye na Rayon Sports.

Iyi ngingo igira iti “ Iyo umukozi asheshe amasezerano akajya mu yindi kipe yishyura ibihumbi 4 by’amadorali (asaga miliyoni 2 n’ibihumbi 700 Rwf) kongeraho n’umushahara w’ukwezi, asaga miliyoni 2 n’ibihumbi 700 Rwf.”

Losciuto yari yasinye amasezerano y’umwaka tariki ya 23 Nyakanga 2014 ashobora kongerwa, yatoje Rayon Sports muri CECAFA Kagame cup batsindwa na APR FC muri ¼ cy’irangiza.

Tariki ya 22 Kamena 2014, nibwo itangazamakuru ryo muri Burkina Faso ryatangaje ko Losciuto yasinye imyaka ine muri ASFA-Yennenga nubwo yahise abihakana avuga ko hari indi mishinga agiyemo.

Mu butumwa bugufi Losciuto yandikiye Visi Perezida wa Rayon Sports yamubwiye ko yabonye ikipe muri Burkina Faso avuga ko hari ibibazo yabonye muri iyi kipe byamuteye kugira amakenga yo gukomeza akazi.

Rayon Sports igomba gushaka vuba umutoza kuko shampiyona izatangira tariki ya 18 Ukwakira 2014 bakina na Amagaju.

COMMENTS

NO COMMENTS YET

LEAVE A COMMENT BELOW

OTHER NEWS

Lionel Messi yasezeranye agahinda Neymar ugiye kwerekeza muri PSG

Amashyaka abiri akomeye agwa mu ntege Umuryango wa FPR Inkotanyi uyoboye (...)

By | 3 August 2017 | 0 (comments)

Kanye West yagiye mu nkiko nyuma y’ibitaramo byahagaritswe kubera uburwayi

Umuraperi Kanye Omari West yagejeje ikirego mu rukiko yishyuza amafaranga (...)

By | 3 August 2017 | 0 (comments)

Follow us

Read our latest news on any of these social networks