November 16 2018

Kenya: Abamaze kugwa mu mvururu za nyuma y’amatora babarirwa muri mirongo

Imiryango Iharanira Uburenganzira bwa Muntu yashinje Polisi ya Kenya kwica abantu basaga 33 mu myigaragambyo yo kwamagana ibyavuye mu matora y’Umukuru w’Igihugu yo ku wa 8 Kanama 2017.

 

Icyegeranyo cy’Imiryango Amnesty International na Human Rights Watch kivuga ko abishwe babarirwa muri 50 cyane cyane mu Murwa Mukuru Nairobi.

Ubwo abaturage bigaragambyaga, Polisi n’izindi nzego z’umutekano zashatse kubatatanya, barahangana mu duce twa Mathare, Kibera, Babadogo, Dandora, Korogocho, Kariobangi, Kawangware.

Iyi miryango ivuga ko abantu 33 bapfuye bafitiwe gihamya naho abandi 17 bagikorwaho iperereza. Hari abishwe n’amasasu y’abapolisi, abakubiswe kugeza bashizemo umwuka, ababuze umwuka kubera imyuka iryana mu maso n’urusenda, n’abaguye mu muvundo bakandagiwe na bagenzi babo.

Umuyobozi wungirije wa Amnesty International muri Afurika y’Uburasirazuba n’Akarere k’Ibiyaga Bigari, Michelle Kagari, yasabye ubuyobozi bwa Kenya guhindura imyitwarire y’abapolisi mbere y’uko amatora y’umukuru w’igihugu aba ku nshuro ya kabiri.

Si ubwa mbere hicwa abantu mu mvururu zijyana n’amatora muri Kenya kuko no mu 2008 ababarirwa mu 1000 bapfuye ubwo Mwai Kibaki yatangazwaga nk’uwatsinze Raila Odinga mu matora.

Isooko: DailyNation

COMMENTS

NO COMMENTS YET

LEAVE A COMMENT BELOW

OTHER NEWS

Umubyeyi wa Kirumira yababariye General Kale Kayihura

Hajji Kawooya ngo izi mbabazi yazitangiye mu gace ka Mpambire ahari hakoraniye (...)

By | 23 October 2018 | 0 (comments)

Côte d’Ivoire yacyeje akamaro k’itorero ry’igihugu mu kubaka Abanyarwanda.

Itsinda ry’abayobozi batunu baturutse muri Côte d’Ivoire bakora muri ministeri (...)

By | 18 October 2018 | 0 (comments)

BK yatashye inyubako izakoreramo I Nyagatare yuzuye itwaye miliyari eshatu z’amafaranga y’u Rwanda

Abakiriya ba BK bo mu karere ka Nyagatare bavuga ko bishimira imikoranire ya bo (...)

By | 18 October 2018 | 0 (comments)

Bafite ikibazo cy’umusaruro mwinshi baburiye isoko-Nyanza

Ibigori,imyumbati n’urutoki ni bimwe mu bihingwa byatoranijwe guhingwa mu karere (...)

By | 18 October 2018 | 0 (comments)

U Rwanda rwungutse sitasiyo izatanga ingufu z’amashanyarazi ya Megavoluti 20

Iyi sitasiyo y’amashayanyarazi leta imaze kuzuza yatwaye miliyoni 23 z’amayero ngo (...)

By | 18 October 2018 | 0 (comments)

Follow us

Read our latest news on any of these social networks