Ingabo za Kenya zivuganye batanu mu ndwanyi zo mu mutwe w’iterabwoba w’ Al-Shabaab kuri uyu wa mbere mu bikorwa bya gisirikare byabereye mu ishyamba rya Boni mu gace ka Lamu.

Umuvugizi w’Igisirikare cya Kenya avuga ko hafashwe intwaro nyinshi z’abo barwanyi ndetse hanakomeretswa benshi mu batorotse.

Umuvugizi w’Igisirakere yasabye ubufasha ku baturage bo muri ako gace gutanga amakuru ku bantu bagaragaraho ibikomere bari gushaka ubufasha kwa muganga.

Umuvugizi w’igisirikare akomeza atangaza ko ibikorwa bwo kurwanya abo barwanyi bizakomeza kugeza ubwo nta bikorwa by’iterabwoba bizongera gutezwa n’uwo mutwe.